पिंगळसई गावा जवळ “किल्ला अवचितगड”....
अवचितगड हा मुंबई-गोवा रस्त्यावर नागोठणे किंवा कोलाडपासून उजवीकडे फुटलेला रस्ता रोहा या तालुक्याच्या गावाला जातो... कोकणातील कुंडलिका नदीच्या तीरावरील या रोहा गावाच्या आजूबाजूला पसरलेल्या डोंगररांगांमध्ये अवचितगड हा गर्द रानाने वेढलेला किल्ला आहे महाराष्ट्रातील मोजक्या पण श्रीमंत गडांमध्ये या गडाची गणना होते रोह्यापासून ५ किमी वर असलेल्या या गडाची उंची तळापासून ३०५ मीटर किंवा १००० फूट आहे...
घनदाट जंगलामुळे जाण्याचा मार्ग दुर्गम झाला आहे सर्व बाजूंनी तटांनी आणि बुरुजांनी वेढलेला असल्याने हा किल्ला संरक्षणाच्या दृष्टीने महत्त्वाचा होता अवचितगडाचे प्रवेशद्वार आणि दक्षिण दरवाजा...
अवचितगड हा कोकण आणि देशपठार यांच्या मधोमध असल्यामुळे संदेशवहन व हेरगिरी यांच्यासाठी उपयुक्त किल्ला मानला जात.. नागोठणे बंदर, रोहे बंदर, तळा, घोसाळा या परिसरातील धारा-वसुलीचे काम अवचितगडा वरून होत असे.. मौर्य, सातवाहन, शक, क्षत्रप, अभीर, त्रैकुटक, वाकाटक, अश्मक, चालुक्य, राष्ट्रकूट, कलचुरी कदंब, शिलाहार, यादव, मोगल, मराठे, पेशवे या निरनिराळ्या राजवटींमध्ये किल्ल्यांची वहिवाट होती इसवी सनपूर्व पाचशेेच्या आसपास सुरू झालेली किल्ले संस्कृती पुढे उत्तरोत्तर प्रगत होत गेली ती सतराव्या शतकापर्यंत.. जवळपास दोन अडीच हजार वर्षांचा हा इतिहास आहे...
फोटोग्राफी : @flying_wanderer27 
No comments:
Post a Comment