किल्ले आड - आडवाडी
नाशिक जिल्ह्यातील सिन्नर तालुक्यातील आडवाडी या गावात आड वाटेवरचा किल्ले आड आहे. आडवाडी हे गाव पुणे-नाशिक महामार्गावरील सिन्नर या गावापासून ठाणगाव मार्गे २६ कि.मी अंतरावर आहे. किल्ल्याच्या पायथ्याशी तीन आडवाडी आहेत पण किल्ल्याकडे जाण्यासाठी वरची आडवाडी विचारायचे तिथूनच गडाकडे जाणारी वाट आहे. गडाच्या पायथ्याशी गोसावी गुरूंचा आश्रम आहे. आड किल्ला समुद्रसपाटीपासून १२३४ मी उंचीवर आहे. पायथ्यापासून गडाच्या माथ्यावर पोचण्यासाठी पाऊण ते एक तासाचा वेळ लागतो. गडाकडे जाताना कातळात खोदलेल्या पायऱ्या लागतात.
आड म्हणजे विहीर किंवा पाण्याची जागा असा अर्थ होतो. गडावर भरपूर पाण्याच्या टाक्यांचा समूह असल्याने गडाला आड असे नाव पडले हे स्थानिकांकडून समजले. गडावर अनेक टाक्यांचा समूह आहे. एक शिवलिंग पहायला मिळते. गडाचा माथा सपाट आणि विस्तीर्ण आहे. चौकी पहार्यासाठी या गडाचा वापर होत असावा. गडावरून औंढा, पट्टा, बितनगड, कळसूबाई, डुबेरा, पर्वतगड-सोनगड असा सह्याद्रीतील परिसर दिसतो.
टीम - पुढची मोहीम
No comments:
Post a Comment