सोलापूर येथून विजयपूर महामार्गावरून टाकळी गावापर्यंत जा. तेथून डावीकडून 8 किमीवर हे स्थान आहे. सोलापूरपासून 22 किलोमीटर अंतरावर भीमा आणि सीनेच्या संगमावर हरिहरेश्वर आणि संगमेश्वर देवस्थान आहे. पुरातत्वीय बारकावे न्याहाळत संपूर्ण परिसरात फेरफटका मारणे समाधान देऊन जाते.
मंदिरासमोर गर्द झाडी आहेत. स्वच्छता सुखावणारी आहे. येथील मंदिर परिसरात भोजन करणे हाच एक वेगळा अनुभव आहे. पर्यटक भोजन झाल्यानंतर स्वच्छता राहील याची स्वतः काळजी घेतात. वातावरणाचा परिणाम होतो तो असा. जीवनातील ताण तणाव विसरून पर्यटक येथे फिरतात, झाडांखाली विश्रांती घेतात. धार्मिक पर्यटन पावित्र्य राखून कसे विकसित करता येते हे पाहण्यासाठी येथे एकदा येथे अवश्य भेट द्या.
एक दिवसाचे पर्यटन म्हणून
हे स्थान परफेक्ट आहे.
1. हे स्थान महाराष्ट्र-कर्नाटक सीमेवर आहे.
2. भीमा आणि सीना या नद्यांचा येथे काटकोनात संगम होतो.
3. मराठी भाषेतील सर्वात प्राचीन शिलालेख येथेच आहे.
4. सुमारे तीस वर्षांपूर्वी केलेल्या उत्खननात हरिहरेश्वराचे प्राचीन मंदिराचे अवशेष येथे मिळाले. सुमारे हजार वर्षांपूर्वी हे मंदिर ज्या स्थितीत होते तशी उभारणी पुन्हा एकदा करण्याचा प्रयत्न पुरातत्व खात्याने केला आहे.
5. पाषाणातील एका भव्य शिव लिंगात 359 शिव लिंग कोरलेले लिंग उत्खननात मिळाले.
6. पर्यटनाच्या दृष्टीने येथे अनेक विकास कामे झाली आहेत. आमदार विजय देशमुख आणि आमदार सुभाष देशमुख हे मंत्री असताना यातील अनेक कामे झाली.
______
गूढ आणि अद्भुत
No comments:
Post a Comment