.
समोर उभा ठाकलेला वंदन किल्ल्याचा हा दरवाजा...
.
सह्याद्री पर्वताची एक शाखा महादेव डोंगर म्हणून ओळखली जाते त्याच डोंगर शाखेत किल्ले चंदन-वंदन वसलेले आहेत चंदनपेक्षा वंदन उंच आहे साधारण वंदनगड पाच टप्प्यांत तर चंदनगड तीन टप्प्यांत आहे त्या किल्ल्यांमुळे कृष्णा आणि वासना नद्यांचे खोरे दुभागले जाते चंदनगड कोरेगाव तालुक्यातील बनवडी तर वंदनगड वाई तालुक्यातील किकली गावामध्ये मोडतो तसे इनामपत्रांमध्ये नमुद आहे...
.
छत्रपती शिवरायांनी सातारा प्रांत १६७३ च्या सुमारास जिंकला आणि त्याचवेळी सज्जनगड, कल्याणगड, अजिंक्यतारा या किल्ल्यांसोबत चंदन-वंदन यांना देखील स्वराज्यात सामील करून घेतले नव्या संशोधनानुसार शिवाजी महाराजांनी हे किल्ले १६४२ ला जिंकून स्वराजाची मुहूर्तमेढ रोवली हे पुढे येत आहे अफझलखान वधानंतर महाराजांनी साताऱ्याचा किल्ला जिंकून या गडांवर आक्रमण केले व गडाची पूर्वीची नावे “शूरगड आणि संग्रामगड बदलून चंदन-वंदन” नामकरण केले पुढे अमानुल्ला खानाने संभाजीराजांच्या कारकिर्दीत १६८५ मध्ये फेब्रुवारी महिन्यात चंदन-वंदन येथे असणाऱ्या मराठ्यांच्या तुकडीवर हल्ला केला त्या चकमकीत मोगलांच्या हातात पंचवीस घोडी, वीस बंदुका, दोन निशाणे, एक नगारा सापडला तो सर्व परिसर मराठ्यांच्या ताब्यात १६८९ पर्यंत होता नंतर मात्र तो मोगलांच्या हातात पडला छत्रपती शाहुमहाराजांनी तो प्रदेश १७०७ च्या पावसाळ्यात जिंकून घेतला पुढे बाळाजी विश्वनाथांनी त्या किल्ल्यावर दादोपंत यांची नेमणूक १७५२ मध्ये ताराबाईसाहेब वर लक्ष ठेवण्यासाठी पुरेसा फौजफाटा देऊन केली नंतर तो किल्ला इंग्रजांच्या हातात पडला...
.
बांधकाम आजही बऱ्यापैकी सुस्थितीत आहे दरवाज्याचा भक्कमपणा आजही शाबूत दरवाज्याचा दोन्ही बाजुला फुलांची नकाशी डाव्या बुरुजावर असलेला “श्रीगणेश” आहे...
.
✍️'सचिन पोखरकर'
➖➖➖➖➖➖➖➖
फोटोग्राफी : निखिल काशीद...♥️
No comments:
Post a Comment